
Biografiya
Grigoriy Ilich Ulko — rassom. U 1925-yil 4-mayda Novosibirsk viloyati Karasuk tumani Yekaterina qishlog'ida tug'ilgan, 1999-yil 4-avgustda Samarqandda vafot etgan. 1958-yilda Xarkov rassomlik institutini tamomlagan, 1959-yildan Samarqandda yashab ijod qilgan.
Uning ijodiy izlanishlari mavzuli kompozitsiyalarda o'z aksini topgan: «Velosipedchilar», «Afsona», «Birinchi reys» (1962). Asarlarida zamon ruhi seziladi, dastgoh va monumental rassomlikning ifoda vositalari uyg'unlashgan. Ular orasida «Panjakent freskasi», «Xalq ustasi A. Hazratqulov portreti» (1961), «Amu—Buxoro kanali quruvchilari» portretlar turkumi (1964), «Usta U. Jo'raqulov portreti» (1965), «Suv», «Birinchi saflar» (1967), «Urgut tamakikorlari» (1971) bor.
Rassomning asarlari respublika muzeylarida, jumladan O'zbekiston davlat san'at muzeyida saqlanadi. 1968-yilda unga «O'zbekistonda xizmat ko'rsatgan san'at arbobi» faxriy unvoni berilgan.
Mukofotlar
- O'zbekiston SSR san'at arbobi1968 · O'zbekiston SSR
Hayot yo'li
- 1925Tug'ilgan
Novosibirsk viloyati Karasuk tumani Yekaterina qishlog'ida tug'ilgan.
- 1958Xarkov rassomlik instituti
Institutni tamomladi.
- 1959Samarqandga ko'chdi
Shu yildan Samarqandda ijod qildi.
- 1962«Birinchi reys»
Mavzuli kompozitsiya, «Velosipedchilar» va «Afsona» bilan bir qatorda.
- 1964«Amu—Buxoro kanali quruvchilari»
Portretlar turkumi.
- 1968Faxriy unvon
«O'zbekistonda xizmat ko'rsatgan san'at arbobi» unvoni berildi.
- 1999Vafoti
4-avgustda Samarqandda vafot etdi.