Biografiya
Oganes Karapetovich Tatevosyan 1889-yil 3-yanvarda Yerevanda tug'ilgan. 1911–1917-yillarda Moskva rassomlik, haykaltaroshlik va me'morlik bilim yurtida tahsil olgan. 1917–1966-yillarda O'zbekistonda yashab ijod qilgan, 1966-yildan Moskvada istiqomat qilgan.
U manzara ustasi bo'lib, asarlarida O'zbekiston tabiati, mehnatkash xalqi, Sharqni — qadimiy Samarqand va Buxoroni o'ziga xos tarzda tasvirlagan. «Eski Samarqand» turkumi («Peshin. Ko'cha manzarasi», 1915; «Registon maydoni tush paytida», 1916; «Tunda choyxona», 1916; «Sherdor madrasa oldida», 1917), «Sayil» (1918), «Bog' yo'li» (1928), «Qovun bozori» (1929), «Kattaqo'rg'on suv ombori qurilishida» (1940), «Bahor. Toshkentning chekkasi» (1961) uning mashhur asarlaridandir. Plakatlar va natyurmortlar («Lolalar», «Atirgullar», 1947; «Mevalar», 1950) ham yaratgan.
1945-yilda unga O'zbekiston xalq rassomi unvoni berilgan. Asarlari respublika va xorijiy mamlakatlar muzeylari va to'plamlarida saqlanadi. Rassom 1974-yil 7-martda Moskvada vafot etgan.
Mukofotlar
O'zbekiston SSR xalq rassomi1945 · O'zbekiston SSR
Hayot yo'li
- 1911Ta'lim
Moskva rassomlik, haykaltaroshlik va me'morlik bilim yurtida o'qigan (1911–1917).
- 1917O'zbekistonda
O'zbekistonda yashab ijod qila boshlagan (1917–1966).
- 1915«Eski Samarqand» turkumi
Turkumning dastlabki asarlari (1915–1917).
- 1928«Bog' yo'li»
Manzara asari.
- 1940«Kattaqo'rg'on suv ombori qurilishida»
Manzara asari.
- 1945Unvon
O'zbekiston xalq rassomi unvoni berilgan.
- 1966Moskvaga ko'chish
Moskvada istiqomat qila boshlagan.
- 1974Vafoti
1974-yil 7-martda Moskvada vafot etgan.