Asosiy qismga o'tish

Xato haqida xabar berish

Roʻyxatdan oʻtish shart emas. Tahririyat tekshirib, sahifani tuzatadi.

Qori Yo'ldosh Po'latov

Siyosatchi

Buxorodagi jadidchilik harakati namoyandasi, Buxoro XSR nozirlaridan biri, 1925–1929-yillarda O'zbekiston SSR moliya xalq komissari; 1937-yilda qamalgan, 1957-yilda oqlangan.

Faoliyat:
Siyosatchi
Haqiqiy ismi:
Qori Yo'ldosh Po'latovich Po'latov
Hayot yillari:
1890 — 1 aprel 1965

Biografiya

Qori Yo'ldosh Po'latov — Buxorodagi jadidchilik harakati namoyandasi, davlat va jamoat arbobi. U 1890-yilda Buxoro amirligining Karki shahrida (bugun Turkmanistonning Lebap viloyati hududi) tug'ilgan va Buxoroda Mir Arab madrasasida o'qigan. 1909-yildan Karki beklagida jadidlar harakatiga faol qo'shilgan: yangi usuldagi maktablar ochib, ularda dars bergan. Jadid gazeta-jurnallarini xalq orasiga yetkazgan; sahnada o'zbekcha tomoshalar qo'ydirib, daromadga qiroatxona va kutubxona ochgan. 1912-yildan «Yosh buxoroliklar» firqasining Karki shu'basini boshqargan.

Amirlik barham topgach, 1919–1920-yillarda Samarqand viloyatida xalq ta'limi mudiri bo'ldi. Buxoro Xalq Sovet Respublikasida (BXSR) 1920–1922-yillarda maorif noziri, 1922-yilda ichki ishlar noziri, 1922–1923-yillarda esa iqtisodiy kengashga rahbarlik qildi va moliya nozirligini ham boshqardi. Maorif tizimini shakllantirishda hamda Germaniya va Turkiyaga 40 yoshni o'qishga jo'natishda Fitrat bilan hamkorlik qildi.

O'zbekiston SSRda u 1925–1929-yillarda moliya xalq komissari lavozimida ishladi, 1929–1932-yillarda esa SSSR Davlat bankining O'rta Osiyo bo'limida boshqaruvchi o'rinbosari bo'ldi. 1929–1937-yillarda O'zbekiston SSR Yer ishlari xalq komissarligida, shu bilan birga Andijon va Xorazm okruglarida turli vazifalarni bajardi.

Sovet hukumati uni 1937-yil 11-iyulda hibsga oldi. O'n yillik jazoni o'tab bo'lgach, 1949-yil martida yana qamaldi. Stalin o'limidan keyin, 1956-yilda ozodlikka chiqdi, 1957-yil 1-iyulda oqlandi.

Qori Yo'ldosh Po'latov 1965-yil 1-aprelda Toshkentda hayotdan ko'z yumdi.

Ta'lim

Karyera

Hayot yo'li

  1. 1890
    Karki shahrida tug'ildi
  2. 1909
    Karki beklagida jadidlar harakatiga qo'shildi
  3. 1912
    «Yosh buxoroliklar» Karki shu'basi boshlig'i
  4. 1919–1920
    Samarqand viloyati xalq ta'limi mudiri
  5. 1920–1923
    BXSR maorif, ichki ishlar va moliya noziri
  6. 1925–1929
    O'zbekiston SSR moliya xalq komissari
  7. 1929–1932
    SSSR Davlat banki O'rta Osiyo bo'limi boshqaruvchisining o'rinbosari
  8. 1937
    11-iyulda hibsga olindi
  9. 1949
    Qayta hibsga olindi
  10. 1956
    Ozod etildi
  11. 1957
    1-iyulda oqlandi
  12. 1965
    Toshkentda vafot etdi
Xato topdingizmi?

Xato haqida xabar berish

Roʻyxatdan oʻtish shart emas. Tahririyat tekshirib, sahifani tuzatadi.

Tuzatish taklif qilish