Yakov Protazanov
Rus kinematografiyasi asoschilaridan biri, rejissor; «Nasriddin Buxoroda» (1943) filmi muallifi, O'zbekistonda xizmat ko'rsatgan san'at arbobi (1943).
Biografiya
Yakov Aleksandrovich Protazanov — rejissor, rus kinematografiyasi asoschilaridan. U 1881-yil 4-fevralda (eski uslubda 23-yanvar) Moskvada tug'ilgan va 1945-yil 8-avgustda o'sha yerda vafot etgan. Ijodini 1907-yilda avval ssenariynavis, keyin rejissor sifatida boshlagan.
«Qarg'a motkasi» (1916) va «Sergiy ota» (1918) filmlari rejissorlik va operatorlik madaniyatining yuksakligi, aktyorlar o'yinining mukammalligi bilan ajralib turadi. «Aelita» (1924), «Torjoklik bichuvchi» (1925), «Qirq birinchi» (1927), «Don Diyego va Pelageya» (1928), «Avliyo Yorgen bayrami» (1930) kabi ovozsiz kinoning eng yaxshi namunalarini yaratgan. Ovozli kinoda suratga olgan «Sepsiz qiz» (1937) filmi mumtoz kino fondidan o'rin olgan.
Urush yillarida Toshkentda yashab, «Nasriddin Buxoroda» (1943) filmini yaratgan; bu film o'zbek kinematografiyasida komediya janrining shakllanishiga ta'sir qilgan. 1935-yilda Rossiyada, 1943-yilda O'zbekistonda xizmat ko'rsatgan san'at arbobi unvoni berilgan.
Mukofotlar
- O'zbekiston SSR san'at arbobi1943 · O'zbekiston SSR
Hayot yo'li
- 1881Tug'ilishi
4-fevralda Moskvada tug'ilgan.
- 1907Ijodning boshlanishi
Kinoda avval ssenariynavis, keyin rejissor sifatida ish boshlagan.
- 1924«Aelita»
Ovozsiz kinoning eng yaxshi namunalaridan biri — «Aelita» filmi.
- 1937«Sepsiz qiz»
Ovozli kinoda «Sepsiz qiz» filmini yaratgan.
- 1943«Nasriddin Buxoroda»
Toshkentda «Nasriddin Buxoroda» filmini yaratgan; O'zbekistonda xizmat ko'rsatgan san'at arbobi unvoni berilgan.
- 1945Vafoti
8-avgustda Moskvada vafot etgan.