Асосий қисмга ўтиш

Хато ҳақида хабар бериш

Рўйхатдан ўтиш шарт эмас. Таҳририят текшириб, саҳифани тузатади.

Фёдор Русанов

Олим

Ботаник олим, Ўзбекистон Фанлар академияси академиги, Ботаника боғининг асосчиси ва директори.

Фаолият:
Олим, Биолог
Ҳақиқий исми:
Фёдор Николаевич Русанов
Ҳаёт йиллари:
25 май 1895 ♊ — 1979
  • Ленин ордени

Биография

Фёдор Николаевич Русанов — ботаник олим. У 1895-йил 25-майда Челябинск уездида туғилган, 1979-йилда Тошкентда вафот этган. 1927-йилда Омск қишлоқ хўжалиги институтини тамомлаган. Биология фанлари доктори (1944), профессор (1955), Ўзбекистон Фанлар академиясининг академиги (1966).

1943—1976-йилларда Ўзбекистон Фанлар академияси Ботаника боғининг асосчиси ва директори бўлган, 1976-йилдан илмий маслаҳатчи. Илмий ишлари Устюрт, Манғишлоқ, Муюнқум, Қизилқум ва Чу водийларининг флораси, ўсимлик қоплами ва хомашёсини ўрганишга бағишланган.

Муайян иқлимда ўсадиган ўсимликларни бошқа иқлимли жойда ўстириш (интродукция) ва иқлимлаштириш усулларини, жумладан «туркум комплекси» ҳамда «умумфлора интродукцияси» усулларини ишлаб чиққан. Чатиштириш йўли билан гибискус, ҳокк, пирамидасимон эман каби манзарали ўсимлик навларини яратган. Унинг раҳбарлигида 14 жилдли «Ўзбекистон дендрологияси» ва «Ўзбекистон интродукцияси» номли 27 тўплам нашр этилган.

Асарлари орасида «Гибридне гибискусй» (1965) ва «Теория и опйт переселения растений в условиях Узбекистана» (1974) бор. 1965-йилда унга «Ўзбекистонда хизмат кўрсатган фан арбоби» унвони берилган; Ленин ордени соҳиби.

Карьера

Мукофотлар

Ҳаёт йўли

  1. 1895
    Туғилиши

    Челябинск уездида туғилган.

  2. 1927
    Институтни тамомлаши

    Омск қишлоқ хўжалиги институтини тамомлаган.

  3. 1943
    Ботаника боғи

    Ўзбекистон Фанлар академияси Ботаника боғининг асосчиси ва директори бўлган (1976-йилгача).

  4. 1944
    Фан доктори

    Биология фанлари доктори илмий даражасини олган.

  5. 1955
    Профессор

    Профессор унвонини олган.

  6. 1965
    Фан арбоби

    «Ўзбекистонда хизмат кўрсатган фан арбоби» унвони берилган.

  7. 1966
    Академик

    Ўзбекистон Фанлар академияси академиги этиб сайланган.

  8. 1976
    Илмий маслаҳатчи

    Илмий маслаҳатчи лавозимига ўтган.

  9. 1979
    Вафоти

    Тошкентда вафот этган.

Хато топдингизми?

Хато ҳақида хабар бериш

Рўйхатдан ўтиш шарт эмас. Таҳририят текшириб, саҳифани тузатади.

Тузатиш таклиф қилиш