Асосий қисмга ўтиш

Хато ҳақида хабар бериш

Рўйхатдан ўтиш шарт эмас. Таҳририят текшириб, саҳифани тузатади.

Глеб Чердансев

Олим

Иқтисодчи ва географ олим, Ўзбекистон ФА академиги, Туркистон халқ университетининг биринчи ректори.

Фаолият:
Олим, Ер фанлари олими
Ҳақиқий исми:
Глеб Никанорович Чердансев
Ҳаёт йиллари:
4 август 1885(73 ёш) ♌ — 5 декабр 1958

Биография

Глеб Никанорович Чердансев — иқтисодчи ва географ олим. У 1885-йил 4-августда Омскда туғилган, 1958-йил 5-декабрда Москвада вафот этган. Тошкент гимназиясини, 1909-йилда Петербург политехника институтининг иқтисод факултетини тугатган.

Одессада (1910—1915) ва Туркистон ўлкасининг турли бошқармаларида (1915—1917) ишлаган. 1918-йилда Туркистон халқ университетини (ҳозирги Ўзбекистон Миллий университети) ташкил этишда фаол қатнашган ва унинг биринчи ректори бўлган. 1921—1923-йилларда Туркистон АССР Давлат план қўмитаси раисининг ўринбосари, Хоразм ва Бухоро республикалари план қўмиталарида ишлаган, Ўрта Осиё республикаларини иқтисодий бирлаштириш бўйича қуйи қўмитага раҳбарлик қилган; 1924—1929-йилларда СССР Давлат план қўмитасида ишлаган.

1924-йилдан Москвада геодезия институтида профессор бўлиб, иқтисодий география курсини яратган. 1936-йилда иқтисод фанлари доктори илмий даражаси берилган. 1943-йилдан Ўзбекистон ССР Фанлар академияси мухбир аъзоси, 1956-йилдан академиги; 1955-йилда Ўзбекистонда хизмат кўрсатган фан арбоби унвони берилган. Илмий ишлари Ўрта Осиё энергетикаси, қишлоқ хўжалиги ва ирригацияси, иқтисодий раёнлаштириш масалаларига бағишланган. Тошкентдаги кўчалардан бири унинг номи билан аталган.

Карьера

Мукофотлар

Ҳаёт йўли

  1. 1885
    Туғилиши

    4-августда Омскда туғилган.

  2. 1909
    Политехника институтини тугатиши

    Петербург политехника институтининг иқтисод факултетини тугатган.

  3. 1918
    Туркистон халқ университети

    Университетни ташкил этишда қатнашган ва биринчи ректори бўлган.

  4. 1921
    Давлат план қўмиталари

    1921—1923-йилларда Туркистон АССР Давлат план қўмитаси раисининг ўринбосари; 1924—1929-йилларда СССР Давлат план қўмитасида ишлаган.

  5. 1924
    Москва геодезия институти

    Москвада геодезия институтида профессор бўлиб ишлаган (1958-йилгача).

  6. 1936
    Фан доктори

    Иқтисод фанлари доктори илмий даражаси берилган.

  7. 1943
    Фанлар академияси мухбир аъзоси

    Ўзбекистон ССР Фанлар академияси мухбир аъзоси бўлган.

  8. 1955
    Фан арбоби унвони

    Ўзбекистонда хизмат кўрсатган фан арбоби унвони берилган.

  9. 1956
    Академик

    Ўзбекистон ССР Фанлар академиясининг ҳақиқий аъзоси (академик) бўлган.

  10. 1958
    Вафоти

    5-декабрда Москвада вафот этган.

Хато топдингизми?

Хато ҳақида хабар бериш

Рўйхатдан ўтиш шарт эмас. Таҳририят текшириб, саҳифани тузатади.

Тузатиш таклиф қилиш
Глеб Чердансев биографияси (1885–1958) — Олим | Shaxs.uz