Олга Володина

Олга Викторовна Володина 1963-йилда Тошкент вилоятининг Янгийўл шаҳрида туғилган; кейинчалик оила Сирдарёда яшаган, мактаб йилларида Тошкентда ўқиган. 1984-йилда А. Н. Островский номидаги Тошкент театр ва рассомлик институтини (Игор Лобач устахонаси) тамомлаган.

Институтдан сўнг 2007-йилгача Ўзбекистон академик рус драма театрида хизмат қилган. 1995-йилдан Марк Вайл бошчилигидаги тошкентлик «Илҳом» театрида ўйнайди — дастлаб меҳмон актриса сифатида, 2007-йилдан асосий таркибда. «Илҳом»даги роллари орасида миссис Моралес («Квартал Тортиля-Флет»), Регина Энгстран («Привиденя»), Федра ва Светаева («Светаева. Федра»), Олга («Уч опа-сингил»), доктор Ф («Подполне девочки») бор.

«Илҳом» ҳузуридаги Драматик санъат студиясида саҳна нутқидан дарс беради. Кинода «Камми» (1991) ва «На краю стою» (2008) филмларида суратга тушган.

2000-йилда унга Ўзбекистон Республикасида хизмат кўрсатган артист унвони берилган. 2007 ва 2010-йилларда «Илҳом» мукофотининг «Йилнинг энг яхши актрисаси» номинацияси совриндори бўлган.

«Илхом» репертуарида яна «Уч баланд аёл»да А аёл, «Олтин аждар»да Чумоли ва Она, «Людка»да Ба, «Деҳли рақси»да Кекса аёл ролларини ижро этади. Архив роллари орасида «Медея»да хор бошлиғи, «Орестия»да Клитемнестра, «Арвоҳлар»да Регина Энгстран, «Заратустра»да Лу Саломе ва Заратустра, «Қирол Юбо»да малика Розамунда бор.