Биография
Петр Филипович Кияткин — селексионер, Ўзбекистонда қўйчилик ва эчкилик селекцияси асосчиларидан бири. У 1898-йил 17-сентабрда ҳозирги Россиянинг Мордовия Республикаси ҳудудида туғилган, 1979-йил 24-апрелда Тошкентда вафот этган. 1927-йилда Ленинград қишлоқ хўжалиги институтини тамомлаган.
«Ўзбекживотноводсоюз»да зоотехник (1927—1930), Москвадаги «Овсевод» трестида Қозоғистон ва Ўзбекистон бўйича бош зоотехник (1930—1935) бўлган. 1935—1950-йилларда Ўзбекистон чорвачилик тажриба станциясида (ҳозирги Чорвачилик илмий тадқиқот институти) бўлим мудири, 1950—1960-йилларда Ўзбекистон Фанлар академияси Зоология ва паразитология институтида лаборатория мудири, сўнг яна тажриба станциясида бўлим мудири ва (1970-йилдан) маслаҳатчи бўлган.
Илмий ишлари жундор-гўштдор, жумладан ҳисори қўйлар ва жундор эчкилар биологияси ҳамда генетикасига бағишланган. Поп, Чуст ва Паркент туманлари хўжаликларида узоқ йиллик селекция ишлари натижасида Ўзбекистон жундор эчки зотларини, Ўзбекистон гўштдор-жундор қўй зотини ва подаларини яратган. 1950-йилда хизмат кўрсатган зоотехник, 1953-йилда қишлоқ хўжалиги фанлари доктори, 1955-йилда хизмат кўрсатган фан арбоби, 1962-йилда профессор бўлган.
Карьера
- Ўзбекистон Фанлар академияси Зоология ва паразитология институтиЛаборатория мудири · Тошкент · 1950–1960
Мукофотлар
- Ўзбекистон ССР фан арбоби1955 · Ўзбекистон ССР
Ҳаёт йўли
- 1898Туғилиши
17-сентабрда ҳозирги Мордовия ҳудудида туғилган.
- 1927Институтни тамомлаши
Ленинград қишлоқ хўжалиги институтини тамомлаган; «Ўзбекживотноводсоюз»да зоотехник.
- 1930Бош зоотехник
Москвадаги «Овсевод» трестида Қозоғистон ва Ўзбекистон бўйича бош зоотехник (1935-йилгача).
- 1935Тажриба станцияси
Ўзбекистон чорвачилик тажриба станциясида бўлим мудири (1950-йилгача).
- 1950Зоология ва паразитология институти
Фанлар академияси Зоология ва паразитология институтида лаборатория мудири (1960-йилгача); хизмат кўрсатган зоотехник.
- 1953Фан доктори
Қишлоқ хўжалиги фанлари доктори даражаси.
- 1955Хизмат кўрсатган фан арбоби
Хизмат кўрсатган фан арбоби унвони берилган.
- 1962Профессор
Профессор унвони берилган.
- 1970Маслаҳатчи
Чорвачилик тажриба станциясида маслаҳатчи.
- 1979Вафоти
24-апрелда Тошкентда вафот этган.