Abror Muxtor Aliy

Abror Muxtor Aliy (asl ismi Abror Abduazimov) — o'zbekistonlik imom, din olimi va diniy bloger. Vikipediya ma'lumotiga ko'ra, 1976-yil 22-iyulda Namangan viloyati Chust tumanidagi Karkidon qishlog'ida tug'ilgan.

Namanganda va Toshkentda madrasalarda o'qigan, 2004-yilda Toshkent islom institutini tamomlagan, 2009–2011-yillarda O'zbekiston Milliy universitetida jurnalistika yo'nalishida magistraturada tahsil olgan.

2004–2008-yillarda Toshkent viloyatidagi «Olimjon ota» jome masjidida imom-xatib, 2008–2009-yillarda Xorazmdagi «Faxriddin ar-Roziy» diniy ta'lim muassasasida o'qituvchi, 2011–2022-yillarda Toshkent islom universiteti o'qituvchisi bo'lgan. 2020-yilda O'zbekiston islom sivilizatsiyasi markazi jamoatchilik bilan ishlash bo'limi bosh ilmiy xodimi bo'ldi, 2021-yilda O'zbekiston musulmonlari idorasi Qur'on va tajvid o'rgatish bo'limi mudiri o'rinbosari etib tayinlandi.

Izuddin Bayyuniyning «Tahorat va namoz hukmlari» hamda Abdulvahhob Mashhodiyning «Namozimiz dalillari» kitoblarini o'zbek tiliga tarjima qilgan. Ijtimoiy tarmoqlarda keng auditoriyaga ega diniy bloger sifatida tanilgan.