Azizbek Haydarov

Azizbek Saidrahimovich Haydarov 1985-yil 8-iyulda Toshkentda tug'ilgan o'zbekistonlik futbolchi, yarim himoyachi. Professional faoliyatini 2004-yilda Toshkentning «Lokomotiv» klubida boshlagan, 2007–2011-yillarda «Bunyodkor» safida o'ynagan: klub bilan O'zbekiston chempioni (2008, 2009, 2010) va O'zbekiston kubogi sohibi (2008, 2010) bo'lgan, 2008-yilda Osiyo chempionlar ligasi yarim finalchisi.

2011-yil 26-iyulda BAAning «Al-Shabab» klubi bilan shartnoma imzoladi va 2017-yilgacha BAAda o'ynadi, 2017–2018-yillarda BAAning «Ajman» klubida o'ynagan. 2018-yilda «Bunyodkor»ga, 2019-yilda «Lokomotiv»ga qaytib, shu yili futbolchilik faoliyatini tugatgan. 2019–2021-yillarda O'zbekiston futbol assotsiatsiyasi huzuridagi terma jamoalar markazi direktori bo'lgan, 2022-yilda «Bunyodkor» akademiyasi bosh direktori lavozimiga tayinlangan.

O'zbekiston olimpiya terma jamoasi sardori bo'lgan (2007), asosiy terma jamoada 2007-yilda debyut qilgan va 2015-yil 31-martga qadar 67 ta o'yin o'tkazgan (2010-yilgi jahon chempionati saralashidagi 6 ta o'yin ham shu jumladan). Osiyo kubogining 2007 (3 ta o'yin), 2011 (barcha 6 ta o'yin, jamoa yarim finalga chiqdi) va 2015-yillardagi (barcha 4 ta o'yin) turnirlarida qatnashgan; 2011-yilda Quvaytga qarshi guruh o'yinida jamoa uchun gol urgan (gol ba'zan Maksim Shatskix hisobiga yoziladi).