Biografiya

G'aybulla Hojiyev 1956-yilda Buxoro viloyatida tug'ilgan. 1973–1977-yillarda Toshkent davlat san'at institutida o'qigan.

Sahna yo'lini 1976-yilda Abror Hidoyatov nomidagi teatrda (ilgari «Yosh gvardiya») boshlagan, 1987-yildan Hamza nomidagi O'zbek davlat akademik drama teatrida ishlagan. Teatrda o'nlab rollarni ijro etgan: Abu Bakr Kalaviy («Sarbadorlar»), Xoja Ahmad Yassaviy («Sohibqiron»), Solih maxdum («Mehrobdan chayon»), Afandi («Afandining besh xotini»), Ahmad Farg'oniy («Piri koinot»), graf Gloster (Shekspirning «Qirol Lir»), Sabalo («Yetti faryod»). Og'ir kasallik tufayli teatrni tark etgan, keyin televideniye va radio loyihalarida ishtirok etgan.

Kinoda «Bobur», «Abulfayozxon», «Shabbona», «Uqubat», «Oqpadar» va boshqa filmlarda o'ynagan; «Shaytanat» serialida Ahmadbek roli eng taniqli ishlaridan biri bo'lgan. O'zbek dublyaji sohasining yorqin vakillaridan biri sifatida tilga olinadi.

O'zbekistonda xizmat ko'rsatgan artist unvoniga sazovor bo'lgan. Teatr yillari haqidagi xotiralari «Xotiralar to'lqini» kitobida e'lon qilingan. 2020-yil 26-fevralda 64 yoshida vafot etgan.

Hayot yo'li