Biografiya
Muborak Saydaqulovich Yo'ldoshev — teatr rassomi. U 1934-yil 23-fevralda Chimkentda tug'ilgan. 1962-yilda Toshkent teatr va rassomlik san'ati institutini tugatgan; Ch. Ahmarov, M. Saidov va V. Riftinlardan ta'lim olgan.
1962–1964-yillarda Navoiy nomidagi akademik opera va balet katta teatrida rassom bo'lib ishlagan (Puchchinining «Floriya Toska» operasi va boshqalar). 1964–1972-yillarda Samarqand opera va balet teatrida katta rassom bo'lgan: S. Boboyevning «Yoriltosh» va «Hamza» operalari, Asafyevning «Boqchasaroy favvorasi», Ravelning «Bolero», Balasanyanning «Layli va Majnun» baletlari va boshqa spektakllarning sahna bezaklarini yaratgan. 1972–1980-yillarda Toshkent teatr va rassomlik san'ati institutida dars bergan.
Ijodida tarixiy mavzu yetakchi o'rin tutadi: «Go'ro'g'li», «Ko'hna Urganch», «Alpomish», «Avesto», «Xo'ja Hofiz» turkumlaridagi asarlar, «Amir Temur» triptixi. U portretlar («Kompozitor Karim hoji», «Ergash Jumanbulbul», «Pulkan shoir», «Islom shoir»), «Samarqand bozori», «Amir Temur maqbarasi» kabi mavzuli asarlar va natyurmortlar («Siren») muallifi. 1965-yildan respublika va xorijiy ko'rgazmalarda ishtirok etadi.
2000-yilda unga «O'zbekiston xalq rassomi» faxriy unvoni berilgan.
Karyera
- Государственный театр оперы и балета имени Алишера НавоиRassom · Toshkent · 1962–1964hozirgi nomi — Alisher Navoiy nomidagi Davlat akademik Katta teatri
- Samarqand opera va balet teatriBosh rassom · Samarqand · 1964–1972
- Ташкентский государственный театрально-художественный институт имени А. Н. ОстровскогоPedagog · Toshkent · 1972–1980hozirgi nomi — O'zbekiston davlat san'at va madaniyat instituti
Mukofotlar
O'zbekiston xalq rassomi2000 · O'zbekiston
Hayot yo'li
- 1934Tug'ilishi
23-fevralda Chimkentda tug'ilgan.
- 1962Institutni tugatishi
Toshkent teatr va rassomlik san'ati institutini tugatgan.
- 1962Katta teatrda rassom
Navoiy nomidagi opera va balet katta teatrida rassom bo'lib ishlagan (1964-yilgacha).
- 1964Samarqand teatrida katta rassom
Samarqand opera va balet teatrida katta rassom (1972-yilgacha).
- 1965Ko'rgazmalar
Respublika va xorijiy ko'rgazmalarda ishtirok eta boshlagan.
- 1972Pedagoglik
Toshkent teatr va rassomlik san'ati institutida dars bergan (1980-yilgacha).
- 2000Xalq rassomi unvoni
«O'zbekiston xalq rassomi» unvoni berilgan.