Анатолий Кабулов

Анатолий Зухурович Кабулов 1934-йил 14-февралда Тошкентда туғилган. 1958-йилда Тошкент театр ва рассомлик институтининг режиссёрлик факултетини тамомлаган.

1955–1960-йилларда Ўзбек давлат эстрадасида актёр, кейин бош режиссёр бўлган. 1958–1964-йилларда Тошкент театр ва рассомлик институтида актёрлик маҳорати бўйича катта ўқитувчи, 1961–1964-йилларда Ҳамза номидаги Ўзбек академик драма театрида режиссёр бўлган.

1964-йилдан «Ўзбекфилм»да режиссёр: бадиий ва ҳужжатли филмлар суратга олган, мултфилмлар учун ссенарийлар ва болалар песалари ёзган, бир қанча филмларда, асосан эпизодик ролларда ўйнаган. Режиссёрлик ишлари: «Войди в мой дом» (1967), «Слепой дозҳд» (1970), «Тй, песня моя» (1975), «Непокорная» (1981), «Клятва Дзҳантая» (1984).

1973-йилда Ўзбекистон ССР хизмат кўрсатган артисти, 1987-йилда Ўзбекистон ССР халқ артисти унвони берилган; 1983-йилда Ҳамза номидаги Ўзбекистон ССР Давлат мукофоти лауреати бўлган.

2003-йил 31-июлда Москвада вафот этган, Востряково қабристонига дафн этилган.