Ҳилола Умарова

Ҳилола Октамовна Умарова 1988-йил 9-августда Германияда, Веймар шаҳрида туғилган. Жаҳон иқтисодиёти ва дипломатия университетини тамомлаган: 2010-йилда бакалавр, 2013-йилда ташқи иқтисодий фаолият йўналишида магистр даражасини олган. 2014-йилдан Тошкентдаги Инҳа университетида ишлаган, 2019-йилда университетда тадбиркорлик, инновацион ғоялар ва технологияларни қўллаб-қувватлаш бўйича бош менежер бўлган.

2019–2020-йилларда Муҳаммад ал-Хоразмий номидаги ихтисослаштирилган мактабга раҳбарлик қилди. 2020-йил 8-октябрдаги Президент фармони билан Вазирлар Маҳкамаси ҳузуридаги Президент, ижод ва ихтисослаштирилган мактабларни ривожлантириш агентлиги директори этиб тайинланди ва 2022-йилгача шу лавозимда ишлади.

2022-йил 30-декабрда янги ҳукумат таркибида мактабгача ва мактаб таълими вазири этиб тайинланди; 2024-йил ноябрида янги ҳукуматда ҳам ўз лавозимини сақлаб қолди. 2025-йил 14-июлда вазирлик лавозимидан озод этилиб, Президент Администрацияси раҳбарининг таълим тизимини ислоҳ қилиш бўйича ўринбосари этиб тайинланди.

2026-йил 16-февралда бу лавозимдан озод қилинди (ўрнига Илҳом Сиражев тайинланди), 17-февралда эса Мактабгача ва мактаб таълими вазирининг педагогик таълимни ривожлантириш бўйича ўринбосари ва Низомий номидаги Ўзбекистон миллий педагогика университети ректори этиб тайинланди. 2026-йил 2-октябрдаги Президент қарорига кўра вазир ўринбосарининг бу лавозими вазирлик марказий аппаратидан чиқарилди, университет эса Низомий Ганжавий номи билан қайта номланди.