Маннон Убайдуллаев

Абдуманнон (Маннон) Убайдуллаев (1940–2026) — киноактёр, режиссёр ва педагог, санъатшунослик фанлари номзоди, профессор. Ижодий йўлини режиссёр сифатида бошлаган: институтда режиссёрлик йўналишини танлаган, болалар радиосида режиссёр бўлиб ишлаган, бир муддат Қашқадарё театрида фаолият юритган, сўнг «Табассум» радиожурналини ташкил этганлар сафида бўлган.

Кенг оммага у 66 ёшида, Зулфиқор Мусоқов суратга олган «Ватан» (2006) филмидаги Қурбоннинг кексалик образи билан танилди — бу унинг кинодаги биринчи йирик роли эди. Кейинчалик «Сўнгги лаҳза», «Ҳижрон», «Фидойилар», «Омад», «Алданган кўнгил», «Хиёнат гирдоби», «Кулба» каби филмларда ва бир қанча телесериалларда турли характердаги ролларни ижро этди.

Кўп йиллар Ўзбекистон давлат санъат ва маданият институтининг «Овоз режиссёрлиги ва операторлик маҳорати» кафедрасида талабаларга дарс берди, илмий ишларга раҳбарлик қилди. «Ўзбекистонда хизмат кўрсатган ёшлар мураббийси» унвонига сазовор бўлган.

2026-йил август бошида 86 ёшида вафот этди; бу ҳақда Ўзбекистон Киноарбоблари ижодий уюшмаси хабар берди.