Муниса Ризаева

Муниса Ризаева 1986-йил 21-октябрда Тошкентда туғилган. Болалигидан мусиқа ва рақсга қизиққан, онаси уни таниқли раққоса, Ўзбекистон халқ артисти Малика Аҳмедовага шогирдликка берган. Мактаб йилларида оиласи билан Лондонга кўчиб ўтган.

Лондонда Тҳамес Валлей Университйъда мусиқа бўйича, кейин Англиядаги бошқа олий ўқув юртида меҳмонхона бизнеси ва туризм йўналишида таълим олган. 2010-йилда Ўзбекистонга қайтиб, 2011-йилдан саҳнада чиқиш қила бошлаган.

2004-йилда Тошкентда ўтган «Умид юлдузлари» кўрик-танловида «Нега-нега» қўшиғи билан ғолиблар қаторидан жой олган. Кенг танилиши 2012-йилдаги «Айрилма ёр» қўшиғи билан боғлиқ; кейинчалик «Ҳолливуд», «Секин-аста», «Эй само», «Кўзларим яна» каби қўшиқларни ижро этган, Уммон, Ботир Қодиров, Конста билан дуэтларда қатнашган.

Муниса Ризаева «Ўзбекконцерт» давлат муассасаси хонандаси. 2026-йил 28-майда Президент фармони билан унга «Ўзбекистон Республикасида хизмат кўрсатган артист» фахрий унвони берилган.