Шариф Қобулов

Шариф Қобулов 1934-йил 7-майда Тошкентда туғилган, 1990-йил 15-сентябрда вафот этган. 1958-йилда Тошкент театр ва рассомлик институтини тамомлаган. 1957–1959-йилларда Тошкент республика мусиқали театрида (Муқимий номидаги), 1960–1972-йилларда Қаршидаги Қашқадарё вилоят мусиқали драма театрида актёр бўлган.

1973-йилдан «Ўзбекфилм» киностудияси ва Киноактёр театр-студиясида ишлаган. Асосан эпизодик ролларда чиққан: «Ҳамза», «Парол — «Регина» меҳмонхонаси», «Инсон қушлар ортидан боради», «Мир вашему дому», «Севги юлдуз туркуми» каби филмларда иштирок этган ва 1959–1990-йилларда қирқдан ортиқ филмда рол ижро этган.