Шавкат Ҳамроев

Шавкат Раҳимович Ҳамроев 1964-йил 13-августда Бухорода туғилган. 1986-йилда Тошкент ирригация ва мелиорация институтини тамомлаган, 2001-йилда Ўзбекистон Республикаси Президенти ҳузуридаги Давлат ва жамият қурилиши академиясида ўқиган. Меҳнат фаолиятини 1986-йилда Бухоро вилояти Қоровулбозор тумани сув хўжалиги бошқармасида муҳандис бўлиб бошлаган.

1994–1997-йилларда Бухоро вилоят сув хўжалиги бошқармаси бошлиғининг ўринбосари, 1997–2001-йилларда Вобкент тумани ҳокимининг биринчи ўринбосари бўлган. 2003-йилда Аму-Бухоро ҳавза ирригация тизимлари бошқармаси бошлиғининг биринчи ўринбосари бўлган; 2005–2017-йилларда Қишлоқ ва сув хўжалиги вазири ўринбосари ва Сув хўжалиги бош бошқармаси бошлиғи лавозимларида ишлаган.

2018-йил 12-февралдан — Ўзбекистон Республикаси Сув хўжалиги вазири. Унинг номзоди 2024-йил 21-ноябрда ҳукумат таркибида Қонунчилик палатаси томонидан маъқулланган. 2019-йил сентябрда Халқаро ирригация ва дренаж комиссияси (ICID) Халқаро ижроия кенгаши витсе-президенти этиб сайланган (2019–2022).

«Дўстлик» ордени (2011), Қорақалпоғистон (2016) ва Ўзбекистоннинг (2017) хизмат кўрсатган ирригатори унвонлари ҳамда Тожикистоннинг «Шараф» ордени (2018) билан тақдирланган.