Умид Маликов

Умид Маликов — ўзбек кинооператори ва режиссёри. У 1985-йил 19-ноябрда Тошкентда туғилган.

2003-йилда Ўзбекистон давлат санъат институтининг кино ва телевидение операторлиги факултетига ўқишга кириб, ҳужжатли кинорежиссёр ва оператор Турди Нодиров устахонасида таҳсил олган; 2009-йилда кинооператор Ҳотам Файзиев устахонасида магистратурани тамомлаган. Шу институтда операторлик маҳоратидан дарс берган, «Focus» кино мактабида ҳам ўқитувчи бўлган.

Кинооператор сифатида фаолиятини 2007-йилда бошлаган. Б. Ёқубов, Саид Мухтор, Хилол Насимов, Озод Шамс, А. Гамиров ва бошқа режиссёрлар билан ишлаб, ўнлаб бадиий филм ва сериалларни суратга олган, жумладан «Мажруҳ» (2010), «Мажруҳ 2» (2017), «Севда» (2024) ва «Чўлиқ» (2025) филмларини.

2014-йилда Камара Камалова режиссёрлигидаги «Унутма мени» болалар филми Германиянинг Кемнитс шаҳридаги СЧЛИНГЕЛ халқаро фестивалида томошабинлар ҳамдардлиги мукофотига сазовор бўлган, Рашид Маликов режиссёрлигидаги «Тоға» филми эса «Оила даврасида» фестивалида Гран-прини олган. 2016-йилда МЙ5 телеканали уни «Йилнинг кинооператори» деб эълон қилган. 2018-йилда ўзи режиссёрлик қилган «Қадимий Бухоро» ҳужжатли филми шу телеканал томонидан «Йилнинг энг яхши ҳужжатли филми» деб тан олинган.