Биография
Василий Александрович Чиркин — театр режиссёри. 1884-йил 12-августда Екатеринбургда туғилган. 1910-йилда Москва филармониясининг драма синфини тугатган.
1910–1912-йилларда Москва Кичик театрида, 1917–1923-йилларда Москва Ҳарбий театрида ишлаган; 1924–1934-йилларда Иваново-Вознесенск, Курск, Брянск, Боку, Свердловск ва Қозон театрларида фаолият юритган.
1934-йилда Тошкентга келиб, Рус театри (ҳозирги Ўзбекистон рус академик драма театри) ташкилотчиларидан ва биринчи бадиий раҳбари бўлган. «Интервенсия», «Аристократлар», «Тубанликда», «Телба кун, ёки Фигаронинг уйланиши», «Отелло», «Момақалдироқ», «Ванюшин болалари», «Пётр I», «Бой ила хизматчи» ва Маннон Уйғур билан ҳамкорликда «Ҳамлет» спектаклларини саҳналаштирган.
Унинг режиссурасига ҳаёт ҳақиқатини ёрқин театр шакллари билан уйғунлаштириш ва Вахтангов услубини сингдиришга интилиш хос. 1936-йилда унга «Ўзбекистон ССР санъат арбоби» унвони берилган. 1940-йил 10-июнда Тошкентда вафот этган.
Карьера
- М. Горкий номидаги Тошкент академик драма театриБиринчи бадиий раҳбар · Тошкент · 1934–…
Мукофотлар
- Ўзбекистон ССР санъат арбоби1936 · Ўзбекистон ССР
Ҳаёт йўли
- 1884Туғилиши
12-августда Екатеринбургда туғилган.
- 1910Таълим
Москва филармониясининг драма синфини тугатган.
- 1917Москва Ҳарбий театри
1923-йилгача Москва Ҳарбий театрида ишлаган.
- 1934Тошкентга келиши
Рус театрининг ташкилотчиларидан ва биринчи бадиий раҳбари бўлган.
- 1936Фахрий унвон
«Ўзбекистон ССР санъат арбоби» унвони берилган.
- 1940Вафоти
10-июнда Тошкентда вафот этган.