Хайрулла Сағдиев

Хайрулла Сағдиев 1940-йил 6-декабрда Тошкентда туғилган. А. Н. Островский номидаги Тошкент театр ва рассомлик институти актёрлик факултетида ўқиган, устози Назира Алиева бўлган.

1963-йилдан 1986-йилгача Ҳамза номидаги театрда, сўнг Ёш томошабинлар театрида ишлаган: «Как закалялас стал» спектаклида Климка, «Кто виноват?» спектаклида Булат ролларини ижро этган. 1986-йилдан Абдулла Қаҳҳор номидаги Республика сатира театрида лирик-драматик ва комедия ролларини, жумладан Насриддин, Юсуф ва Учариддин образларини яратган.

Кинода 1963-йилдан иштирок этади: «Шиддат» (1971) филмида Мамат, «Как Хашим бйл болшим» (1976) филмида вояга етган Хашим, «Акмал, дракон и принтсесса» (1981) ва «Нове приключения Акмаля» (1984) филмларида сеҳрли боғбон ролларини ўйнаган. Тахминан икки юзта совет ва хорижий филмни ўзбек тилига овозлаштиришда қатнашган. 2014-йилдан «Зумраша» болалар киножурналининг ижодий раҳбари, «5-студия» билан ҳамкорлик қилади.

1980-йилда Ўзбекистон ССР хизмат кўрсатган артисти, 1990-йилда Ўзбекистон ССР халқ артисти унвонларига сазовор бўлган; 2005-йилда «Меҳнат шуҳрати» ордени билан тақдирланган.