Anvar Ergashev

Anvar Yo'ldoshevich Ergashev 1954-yil 19-aprelda dirijyor oilasida tug'ilgan, Farg'onada o'sgan. Toshkent davlat konservatoriyasini pianino (1977), kompozitsiya (1986) va opera-simfonik dirijyorlik (1994) bo'yicha tamomlagan.

O'qituvchi, vazirlik xodimi, Toshkent madaniyat institutida pedagog bo'lib ishlagan, Navoiy nomidagi teatr va O'zbekiston milliy simfonik orkestrida dirijyorlik lavozimlarida bo'lgan.

200 dan ortiq asar, jumladan simfonik va kamer asarlar, ikkita pianino kontserti, pianino trio yozgan. 50 dan ortiq film uchun musiqa bastalagan («Osmondagi bolalar», «Bomba», «Uch qirolning jangi», «Sharif va Ma'rif» va boshqalar). Sahna asarlari: «Kroshka» operettasi, «Humo» (2005) va «Chexoviana» (2005–2010) baletlari; bolalar uchun «12 oy», «Qor malikasi» kabi yangi yil musiqali ertaklari.

2000-yilda «Ofarin» mukofotining «Yilning eng yaxshi bastakori» nominatsiyasi g'olibi, 2002-yilda O'zbekiston xizmat ko'rsatgan artisti, 2007-yilda «Humo» musiqasi uchun I darajali davlat mukofoti laureati. 2020-yil 8-avgustda Toshkentda vafot etgan.