Ulug'bek Rashitov

Ulug'bek Ismatullayevich Rashitov 2002-yil 23-martda Toshkentda tug'ilgan o'zbekistonlik taekvondochi. 2018-yilda Buenos-Ayresdagi yozgi yoshlar Olimpiada o'yinlarida 48 kg vazn toifasida kumush medal olgan (finalda rossiyalik Dmitriy Shishkoga yutqazgan). 2019-yilda Osiyo o'smirlar chempionatida 55 kg vazn toifasida va Uxandagi Jahon harbiy o'yinlarida 58 kg vazn toifasida (finalda xitoylik Lyan Yuyshuayni mag'lub etib) oltin medal olgan.

2021-yilda Ammondagi Osiyo saralash turnirida Tokio Olimpiadasiga yo'llanma oldi. 2020-yilgi Tokio Olimpiadasida 68 kg vazn toifasida: 1/8 finalda ikki karra Olimpiada medali sovrindori janubiy koreyalik Li Dae Xunni, yarim finalda bosniyalik Nedjad Xushichni (28:5) va finalda britaniyalik Bredli Sindenni (34:29) mag'lub etib, O'zbekiston terma jamoasi tarixidagi taekvondo bo'yicha birinchi Olimpiada oltin medalini qo'lga kiritdi. 2024-yilgi Parij Olimpiadasida ham 68 kg toifasida g'olib bo'lib, Olimpiada o'yinlarida erkaklar o'rtasida ikki marta chempion bo'lgan yagona taekvondochiga aylandi (ruscha Vikipediyaga ko'ra).

2023-yilda Bokudagi jahon chempionatida 68 kg vazn toifasida bronza medal olgan (yarim finalda janubiy koreyalik Jin Xo Junga yutqazgan); Italiyadagi Gran-pri turnirida g'olib bo'lgan (finalda vengerlik Levente Mark Jozsani yengib). 2024-yilda «El-yurt hurmati» ordeni bilan taqdirlangan; «O'zbekiston iftixori» faxriy unvoniga sazovor.