Улуғбек Рашитов

Улуғбек Исматуллаевич Рашитов 2002-йил 23-мартда Тошкентда туғилган ўзбекистонлик таэквондочи. 2018-йилда Буэнос-Айресдаги ёзги ёшлар Олимпиада ўйинларида 48 кг вазн тоифасида кумуш медал олган (финалда россиялик Дмитрий Шишкога ютқазган). 2019-йилда Осиё ўсмирлар чемпионатида 55 кг вазн тоифасида ва Ухандаги Жаҳон ҳарбий ўйинларида 58 кг вазн тоифасида (финалда хитойлик Лян Юйшуайни мағлуб этиб) олтин медал олган.

2021-йилда Аммондаги Осиё саралаш турнирида Токио Олимпиадасига йўлланма олди. 2020-йилги Токио Олимпиадасида 68 кг вазн тоифасида: 1/8 финалда икки карра Олимпиада медали совриндори жанубий кореялик Ли Даэ Хунни, ярим финалда босниялик Неджад Хушични (28:5) ва финалда британиялик Бредли Синденни (34:29) мағлуб этиб, Ўзбекистон терма жамоаси тарихидаги таэквондо бўйича биринчи Олимпиада олтин медалини қўлга киритди. 2024-йилги Париж Олимпиадасида ҳам 68 кг тоифасида ғолиб бўлиб, Олимпиада ўйинларида эркаклар ўртасида икки марта чемпион бўлган ягона таэквондочига айланди (русча Википедияга кўра).

2023-йилда Бокудаги жаҳон чемпионатида 68 кг вазн тоифасида бронза медал олган (ярим финалда жанубий кореялик Жин Хо Жунга ютқазган); Италиядаги Гран-при турнирида ғолиб бўлган (финалда венгерлик Левенте Марк Жозсани енгиб). 2024-йилда «Эл-юрт ҳурмати» ордени билан тақдирланган; «Ўзбекистон ифтихори» фахрий унвонига сазовор.