Biografiya
Xolxo'ja Umarov — toshkentlik quruvchi, ishlab chiqarish novatori. U 1955-yil 2-fevralda Toshkentda tug'ilgan. O'rta maktabni bitirgach, 1977-yildan «Toshkentuyjoyinvestqurilish» korporatsiyasiga qarashli «Toshmaxsuspardozqurilish» aksiyadorlik jamiyatining 42-qurilish boshqarmasida ishlay boshlagan.
Dastlab usta bo'lgan, 1980—2000-yillarda suvoqchilar brigadasi boshlig'i vazifasini bajargan, 2001-yildan yana usta bo'lib ishlaydi. Toshkentda, ayniqsa 1990-yillardan keyin qurilgan uy-joy, madaniy-maishiy va sport majmualari hamda saroylarni pardozlashda mahorat ko'rsatgan, yuqori mehnat unumdorligiga erishgan, ko'plab shogird yetishtirgan.
1997-yilda unga O'zbekiston Qahramoni unvoni berilgan.
Mukofotlar
O'zbekiston Qahramoni1997 · O'zbekiston
Hayot yo'li
- 1977Usta
42-qurilish boshqarmasida usta bo'lib ishlay boshlagan (1980-yilgacha).
- 1980Suvoqchilar brigadasi boshlig'i
2000-yilgacha brigadaga rahbarlik qilgan.
- 1997O'zbekiston Qahramoni
Unvon berilgan.
- 2001Usta
Shu boshqarmada usta lavozimida ishlaydi.