Биография
Давлатохун Қодиров (1888, Андижон — 1953, Тошкент) — ўзбек созандаси, дутор ижрочиси. 1944-йилда унга Ўзбекистон ССР хизмат кўрсатган санъат арбоби унвони берилган.
У Ҳамза раҳбарлигидаги Ўлка сайёр сиёсий труппасида (1918—1920), М. Қориёқубов бошчилигидаги Ўзбек давлат сайёр концерт-этнографик труппасида (1926) ва 1929-йилдан умрининг охиригача Ўзбекистон радиоқўмитасининг халқ чолғу асбоблари оркестрида созанда бўлган. Москвадаги қишлоқ хўжалиги кўргазмасида (1923) ҳамда 1937- ва 1951-йиллардаги Ўзбек санъати ва адабиёти декадаларида қатнашган.
Репертуарининг асосини Тошкент—Фарғона воҳалари куйлари ҳамда машҳур ўзбек, тожик ва уйғур халқ мусиқаси намуналари ташкил этган. «Роҳат», «Ўйин Баёти», «Ўйин Дугоҳи», «Баҳор», «Сарахбори Оромижон», «Дилхирож», «Чертмак», «Танавор», «Фарғонача» куйларини маҳорат билан ижро этган; уйғур мақом чолғу йўлларининг кўпини ёддан билган.
Мукофотлар
- Ўзбекистон ССР санъат арбоби1944 · Ўзбекистон ССР
Ҳаёт йўли
- 1918Ҳамза раҳбарлигидаги сайёр труппада
Ўлка сайёр сиёсий труппасида созанда (1918—1920).
- 1923Москвадаги кўргазма
Қишлоқ хўжалиги кўргазмасида қатнашган.
- 1926Сайёр концерт-этнографик труппа
М. Қориёқубов раҳбарлигидаги труппада созанда.
- 1929Радиоқўмита оркестрида
Ўзбекистон радиоқўмитаси халқ чолғу асбоблари оркестрида созанда (1929—1953).
- 1937Ўзбек санъати декадаси
Москвадаги декадаларда қатнашган (1937, 1951).
- 1944Унвон
Ўзбекистон ССР хизмат кўрсатган санъат арбоби.
- 1953Вафоти
Тошкентда вафот этган.