Раъно Шодиева

Раъно Шодиева 1979-йил 12-августда Самарқандда туғилган, ўзбек кино актрисаси. Кинога 1995-йилда «Атроф оппоқ қор билан қопланган» филми билан келган, 1998-йилда «Шайтанат» сериалида Зайнаб ролини ижро этган.

Оммавий эътироф унга 2006-йилда «Ватан» филмидаги Гунафша роли билан келди. Кейинги йилларда «Ўтов» (2007), «Ташландиқ» (2008), «Қўрғошин» (2011), «Барон» (2016), «Берлин — Оққўрғон» (2018) каби ўзбек филмларида, шунингдек рус–ўзбек ҳамкорлигидаги «Застава» (2007) ва «Ангел оф Деатҳ» (2014) лойиҳаларида суратга тушган. Унинг филмографиясида 40 дан ортиқ иш бор.

2007-йилда Ўзбекистон давлат санъат ва маданият институтини тамомлаган ва шу йили «Ўзбекистонда хизмат кўрсатган артист» фахрий унвонига сазовор бўлган.

2018–2022-йилларда Ўзбекистон ёшлар иттифоқи ҳузуридаги Имконияти чекланган ёшлар ва болалар марказига раҳбарлик қилган. 2022-йилда ушбу фаолияти учун I даражали «Соғлом авлод учун» ордени билан тақдирланган. 2022–2023-йилларда Ўзбекистон Карлар жамиятида лойиҳа раҳбари, 2023-йилдан эса шу жамиятнинг ишлаб чиқариш бўлими бош мутахассиси.

«Аёл қисмати» (2022, режиссёр Дилмурод Масаидов) филмидаги Сожида роли учун 2023-йил февралида Мумбайда ўтган Шанхай ҳамкорлик ташкилоти мамлакатлари кинофестивалида «Энг яхши аёл образи» мукофотини олган, ўша йилнинг кузида Тошкент халқаро кинофестивалида миллий филмлар танловида «Энг яхши актриса» деб топилган. 2025-йилда «Баҳорни қувиб» филми учун Хитойда (Чонгқинг) ўтган Шанхай ҳамкорлик ташкилоти кинофестивалида «Энг яхши актриса» мукофотига сазовор бўлган.