Биография
Вола тахаллуси билан ижод қилган Эшонхўжа Мириноятулло ўғли 1770-йилда ҳозирги Самарқанд вилоятидаги Иштихон туманида туғилган ва 1842-йилда вафот этган. Возеҳнинг тазкирасида ёзилишича, у туғма кўр бўлган.
Бу нуқсонга қарамай Вола туркий ва форс тилларида шеър ёзган. У XIX асрдаги Каттақўрғон адабий муҳити вакиллари — Шавқий, Нодим ва Хиромий билан ижодий алоқада бўлган.
Навоий ва Ҳофиз ғазалларига боғлаб тазмин ва мухаммаслар яратган. Унинг шеърларида ижтимоий, фалсафий ва ишқий мавзулар учрайди: меҳнаткаш халқнинг ҳаёти, турмуш машаққатлари, қашшоқликдан норозилик ҳамда эзгу орзулар акс этган.
Манбаларда Вола иккита девон ва бир неча баёз тузгани айтилади, аммо улар ҳозирча топилмаган. Турли баёзлардаги уч минг мисрадан ортиқ шеъри бизгача етиб келган.
Ҳаёт йўли
- 1770Туғилган
Иштихон тумани, Самарқанд вилояти.
- 1842Вафот этган